Back Unterwalden Breton Unterwalden Catalan Unterwalden Czech Unterwalden Danish Unterwalden German Unterwalden English Untervaldo Esperanto Unterwalden Spanish Unterwalden Estonian Unterwalden Basque

Unterwalden

S alte Wappe vo Underwoudä, wo im 17. und 18. Joorhundert bruucht worde isch. Vorhär isch e woogrächt tailts Schild – obe root und une wiiss – bruucht worde.

Underwoudä isch än Sammelbegriff fyr di beedä Kanteen Obwoudä und Nidwoudä, wo scho sit jehär (ai scho lang vor 1291) i «ob» und «nid äm Woud» trännt sind.

Underwoudä sell dr Legändä na scho bi dr schwyyzer Staatsgrindig uf äm Rütli, äm Rütli-Schwur däbiä gsey syy. Uf äm Bundäsbriäf, wo ja so quasi als Grindigsuirkund vo dr Schweyz giut, hät aber nur dä Kanton Nidwoudä underschribä.

In dr nèie Uusgoob vù dr Schwyzer Bùndesverfassig (BV) vù ane 1999 wääre Obwalde ùn Nidwalde nimi as Houbkanteen zeld. Im Artikel 1 BV[1] wääre d Kanteen vù dr Schwyz ùfzeld ùn doo wääre si aifach «die Kantone … Obwalden und Nidwalden» gnänd. Im Artikel 142 Abs. 4 BV[2] haisd s, as d «Kantone Obwalden, Nidwalden» ejeede ne halbi Standesstimm hän.

S «Under-» im Name bidyted nid eppe «drunder», sondern «zwische», wie i de Näme Unnerbäch (zwische Milibach und Löübbach), Unterseen (zwische Thunersee und Brienzersee), Unterschächä (zwische Äsch- und Brunnischache) und Underwasser (zwische Wildhuuser-Thur und Säntisthur).[3] Drum luutet dr Name im Spaatmittelalter au uf Latynisch Inter Silvas, aso «zwische de Wälder».

  • Als Verglych, s Wappe vo Nidwalde
    Als Verglych, s Wappe vo Nidwalde
  • und s Wappe vo Obwalde
    und s Wappe vo Obwalde
  1. ↑ Art. 1 BV. Archiviert vom Original am 14. Mai 2013; abgruefen am 22. Oktober 2008.
  2. ↑ Art. 142 BV
  3. ↑ Schweizerisches Idiotikon, Band I, Spalte 324 ff., Artikel under I, Bed. Ab (Digitalisat); Band XVI, Spalte 1479, Artikel Underwalden (Digitalisat).

Developed by StudentB